سالانہ روحانی اجتماع 2026 - تیسری میٹنگ

الحمدللہ! جامعہ انوار مدینہ قاسمیہ کے زیر اہتمام منعقد ہونے والے ایک روزہ سالانہ روحانی اجتماع 2026 کی تیاریوں کے سلسلے میں تیسرا اہم اجلاس منعقد ہوا۔ اجلاس میں قائدِ محترم، پیرِ طریقت رہبرِ شریعت الحاج پیر صوفی محمد شوکت علی قادری دامت برکاتہم العالیہ نے خصوصی شرکت فرمائی۔

اجلاس کے دوران اجتماع کے انتظامات، تیاریوں اور مختلف امور کا جائزہ لیا گیا۔ قائدِ محترم نے اجتماع کی تیاریوں کے حوالے سے شرکائے اجلاس کو ضروری ہدایات سے آگاہ فرمایا اور اس بابرکت اجتماع کی دعوت زیادہ سے زیادہ لوگوں تک پہنچانے کی تلقین فرمائی۔

انہوں نے دعوتِ دین کی اہمیت، اخلاصِ نیت اور روحانی تربیت کے مختلف پہلوؤں پر بھی روشنی ڈالی۔ اس موقع پر شرکاء کو اس امر کی ترغیب دی گئی کہ وہ اجتماع کی کامیابی کے لیے بھرپور تعاون کریں اور محبت و عقیدت کے ساتھ اس دعوتِ خیر کو عام کریں۔

اجلاس میں انتظامی امور کو بہتر انداز میں انجام دینے، باہمی تعاون کو فروغ دینے اور اجتماع کو منظم و پُرامن بنانے کے عزم کا اظہار کیا گیا۔

اللہ تعالیٰ اس بابرکت اجتماع کو کامیاب فرمائے، اسے امتِ مسلمہ کے لیے خیر و برکت کا ذریعہ بنائے اور تمام منتظمین و شرکاء کی کاوشوں کو اپنی بارگاہ میں قبول فرمائے۔ آمین۔