8.00 - 18.00 ادارہ کے اوقات کار: پیر سے ہفتہ
الحمد اللہ ہر سال کی طرح اس سال بھی جامعہ انوار مدینہ مرکز مغلپورہ میں اجتماعی اعتکاف کا اہتما کیا گیاہے جس میں چار سو سے زائد لوگ اعتکاف بیٹھے ہیں۔ انوار مدینہ ویلفئیر سوسائٹی کی جانب سے ان سب معتکفین کےلیے فی سبیل اللہ سحری و افطاری کا اہتمام کیا جارہا ہے۔
اس اجتماعی اعتکاف میں بیٹھنے والوں کو جو دینی فوائد میسر آ رہے ہیں وہ درج ذیل ہیں۔
اہل اعتکاف کے لیے مختلف نشتوں کا اہتمام کیا جا رہا ہے جن میں سے بعض کے اندا علمائے کرام کے بیانات ہوتے ہیں جس میں عقائد و اعمال کی اصلاح کی جا رہی ہے۔
ہر روز رات کے درمیانے حصے میں ذکر و دعا ہوتی ہے جس میں ملک و ملت کے لیے خیر خواہی کی دعائیں کی جاتی ہیں۔ کچھ ایسی نشتوں کا بھی اہتمام کیا جا رہا ہے جس میں اہل اعتکاف کو شرعی احکام سکھائے جاتے ہیں اور معتکفین کو ابتدائی مسائل سے اگاہ کیا جاتا ہے۔
کچھ نشتوں میں اہل اعتکاف کو دعائیں یاد کرائی جارہی ہیں ۔ اسی طرح یہ اجتماعی اعتکاف اپنے اندر کئی فوائد کو جمع کیے ہوئے ہے جس سے مذہنی اور روحانی تربیت ہو رہی ہے۔ نوجوانوں میں عبادت کا اور خدمت اسلام کا جذبہ اجاگر کرنے کے لیے ان کو قرآن و سنت کی تعلیمات سے اگاہ کیا جارہا ہے۔ بالآخر یہ اعتکاف دعاو توبہ کے رقت انگیز مناظر کے ساتھ اپنے اختتام کو پہنچے گا۔
اللہ تعالیٰ ان سبھی معتکفین کے اعتکاف کو اپنی بلند و بالا بارگاہ میں قبول و منظور فرمائے اور ان سب کو اسی طرح دین کی راہ پر گامزن رکھے ۔ امین۔
جامعہ انوار مدینہ قاسمیہ میں اعتکاف بیٹھنے کے خواہشمند حضرات ۱۴ رمضان المبارك
سے اعتکاف فارم آفس سے حاصل کر سکتے ہیں۔
جامعہ مسجد انوار مدینہ قاسمیہ میں بھی سنت رسول ﷺ کی ادائیگی کے لئے سینکڑوں کی تعداد میں فرزندان اعتکاف بیٹھے ہیں۔ ان سب معتکفین کےلیے فی سبیل اللہ سحری و افطاری کا اہتمام کیا جارہا ہے۔
مزید پڑھیں۔۔۔تیرے آنے سے دل خوش ہوا تھا اور ذوق عبادت بڑھا تھا۔
آہ! اب دل پہ ہے غم کا غلبہ، الوداع الوداع ماہ رمضان
