ذوالحجہ میں بال اور ناخن کاٹنے کا حکم

السلام عليكم

بِسْمِ اللهِ الرَّحْمنِ الرَّحِيمِ

آج کا سوال : کیا قربانی دینے والے کو ذوالحجہ کی پہلی تاریخ سے بال اور ناخن نہیں کا ٹنا چاہئے؟ اور کیا یہ حکم صرف قربانی کرنے والے کے لئے ہے، یا تمام مسلمانوں کے لیے؟ چاہے وہ قربانی کر رہا ہو یا نہیں؟

ام المومنین حضرت ام سلمہ رضی اللہ تعالیٰ عنہا سے مروی ہے کہ آپ  نے ارشاد فرمایا: جب ذوالحجہ کا پہلا عشرہ شروع ہو جائے اور قربانی دینے کا ارادہ ہو تو بال اور ناخن نہ کاٹے جائیں، جب تک قربانی نہ دے دیں۔ 

ایک روایت میں یہ صراحت بھی موجود ہے کہ ذی الحجہ کا چاند طلوع ہوتے ہی ان چیزوں سے رک جائیں۔ 

اس جیسی احادیث کو مد نظر رکھتے ہوئے فقہاء کرام فرماتے ہیں: کہ قربانی کرنے والے کے لئے مستحب ہے کہ ذوالحجہ کا چاند نظر آنے کے بعد قربانی کرنے تک اپنے ناخن نہ کاٹے اور سر بغل اور ناف کے نیچے، بلکہ بدن کے کسی حصہ کے بھی بال نہ کاٹے۔لیکن یاد رہے کہ ایسا کرنا مستحب ہے ضروری نہیں لہذا اگر کوئی شخص قربانی سے پہلے ایسا کرلے تو بھی کوئی گناہ نہیں ہے اور اس سے قربانی میں کوئی خلل نہیں آتا۔ البتہ قربانی سے پہلے اگر چالیس دن گذر گئے ہوں تو پھر ناخن کاٹنا اور ناف کے نیچے اور بغل کے بالوں کی صفائی ضروری ہے۔ یاد رہے کہ کم از کم ایک مٹھی کی مقدار ڈاڑھی رکھنا ہمیشہ واجب ہے اور اس سے کم کرنا یا مونڈھنا جائز نہیں ہے۔

نوٹ : ملک پاکستان میں مؤرخہ 27 مئی 2025 بروز منگل کو 29 ذیقعدہ ہے اور بوقت مغرب چاند نظر آنے کا امکان ہے، لہذا وہ تمام احباب جو قربانی کا ارادہ رکھتے ہوں وہ منگل والے دن مغرب سے پہلے پہلے جسم کے غیر ضروری بال اور ناخن وغیرہ تراش لیں۔

واللہ اعلم ورسولہ اعلم بالصواب

------------------------------

Aaj ka Sawal:
Kya qurbani dene wale ko Zul-Hijjah ki pehli tareekh se baal aur naakhun nahi kaatne chahiye? Aur kya yeh hukm sirf qurbani karne wale ke liye hai, ya tamam Musalmaanon ke liye, chahe woh qurbani kar rahe hon ya nahi?

Jawab:
Ummul Momineen Hazrat Umm-e-Salma (R.A) se riwayat hai ke Rasool Allah (S.A.W) ne farmaya:
"Jab Zul-Hijjah ka pehla ashra shuru ho jaye aur qurbani dene ka iraada ho, to apne baal aur naakhun na kaatein, jab tak qurbani na de dein."

Ek riwayat mein yeh bhi wazahat hai ke Zul-Hijjah ka chaand nazar aate hi in cheezon se ruk jaayein.

Is qisam ki ahadees ko madde nazar rakhte hue fuqaha (Islamic scholars) ka kehna hai:

• Qurbani karne wale ke liye mustahab hai ke chaand nazar aane ke baad se qurbani hone tak apne naakhun, sir, baghal, naaf ke neeche ya kisi bhi jism ke baalon ko na kaatein.
• Lekin yaad rahe ke yeh mustahab (pasandida) hai, farz ya wajib nahi.
• Agar koi shakhs qurbani se pehle in cheezon ko kaat le, to na to gunah hai aur na qurbani mein koi khalal aata hai.

Lekin agar qurbani se pehle chalis (40) din guzar chuke hon, to baalon aur naakhun ki safai zaroori ho jaati hai.

Aur yeh bhi yaad rahe ke:

• Daadhi kam az kam ek mutthi ki miqdaar rakhna hamesha wajib hai.
• Is se kam karna ya usay munhwana jaiz nahi hai.

Note:
Pakistan mein 27 May 2025 (Tuesday) ko 29 Ziq’adah hai, aur maghrib ke baad chaand nazar aane ka imkaan hai.
Toh jo log qurbani ka iraada rakhte hain, woh Tuesday maghrib se pehle pehle apne jism ke zaroori baal aur naakhun ki safai kar lein.

Wallahu A‘lam wa Rasooluhu A‘lam bis-Sawab