ذوالحجہ میں ناخن اور بال کاٹنے کا حکم

السلام عَلَيْكُم

بسم الله الرحمن الرحيم

:آج کا سوال

کیا قربانی دینے والے کو ذوالحجہ کی پہلی تاریخ سے بال اور ناخن نہیں کاٹنا چاہئے ؟ اور کیا یہ حکم صرف قربانی کرنے والے کے لئے ہے، یا تمام مسلمانوں کے لیے؟ چاہے وہ قربانی کر رہا ہو یا نہیں؟

:جواب

ام المومنین حضرت ام سلمہ رضی اللہ تعالیٰ عنہا سے مروی ہے کہ آپ ﷺ نے ارشاد فرمایا: جب ذوالحجہ کا پہلا عشرہ شروع ہو جائے اور قربانی دینے کا ارادہ ہوتو بال اور ناخن نہ کاٹے جائیں، جب تک قربانی نہ دے دیں۔

ایک روایت میں یہ صراحت بھی موجود ہے کہ ذی الحجہ کا چاند طلوع ہوتے ہی ان چیزوں سے رک جائیں۔

اس جیسی احادیث کو مدنظر رکھتے ہوئے فقہاء کرام فرماتے ہیں: کہ قربانی کرنے والے کے لئے مستحب ہے کہ ذوالحجہ کا چاند نظر آنے کے بعد قربانی کرنے تک اپنے ناخن نہ کاٹے اور سر بغل اور ناف کے نیچے، بلکہ بدن کے کسی حصہ کے بھی بال نہ کاٹے۔

لیکن یاد رہے کہ ایسا کرنا مستحب ہے ضروری نہیں لہذا اگر کوئی شخص قربانی سے پہلے ایسا کرلے تو بھی کوئی گناہ نہیں ہے اور اس سے قربانی میں کوئی خلل نہیں آتا۔ البتہ قربانی سے پہلے اگر چالیس دن گذر گئے ہوں تو پھر ناخن کاٹنا اور ناف کے نیچے اور بغل کے بالوں کی صفائی ضروری ہے۔ یاد رہے کہ کم از کم ایک مٹھی کی مقدار ڈاڑھی رکھنا ہمیشہ واجب ہے اور اس سے کم کرنا یا مونڈھنا جائز نہیں ہے۔

نوٹ : ملک پاکستان میں مؤرخہ 17 مئی 2026 بروزاتوار کو 29 ذیقعدہ ہے اور بوقت مغرب چاند نظر آنے کا امکان ہے، لہذا وہ تمام احباب جو قربانی کا ارادہ رکھتے ہوں وہ اتوار والے دن مغرب سے پہلے پہلے جسم کے غیر ضروری بال اور ناخن وغیرہ تراش لیں۔

Aaj Ka Sawal: Kya qurbani dainay walay ko Zil-Hajj ki pehli tareekh se baal aur nakhun nahi kaatna chahiye? Aur kya yeh hukam sirf qurbani karnay walay ke liye hai, ya tamam Musalmano ke liye? Chahay wo qurbani kar raha ho ya nahi?

Jawab: Umm-ul-Momineen Hazrat Umm-e-Salma (R.A) se marwi hai ke Aap ﷺ ne irshad farmaya: Jab Zil-Hajj ka pehla ashra shuru ho jaye aur qurbani dainay ka irada ho, to baal aur nakhun na kaatay jayen, jab tak qurbani na de dain. Aik Riwayat mein yeh sarahat bhi maujood hai ke Zil-Hajj ka chand tuloo hotay hi in cheezon se ruk jayen. Is jaisi ahadith ko mad-e-nazar rakhtay hue fuqaha-e-karam farmatay hain: Ke qurbani karnay walay ke liye mustahab hai ke Zil-Hajj ka chand nazar aanay ke baad qurbani karnay tak apnay nakhun na kaatay aur sar, baghal aur naaf ke neechay, balkay badan ke kisi hissay ke bhi baal na kaatay.

Lekin yaad rahay ke aisa karna mustahab hai, zaroori nahi. Lehaza agar koi shakhs qurbani se pehle aisa kar lay to bhi koi gunah nahi hai aur is se qurbani mein koi khalal nahi aata. Albatta, qurbani se pehle agar chalis (40) din guzar gaye hon to phir nakhun kaatna aur naaf ke neechay aur baghal ke baalon ki safai zaroori hai. Yaad rahay ke kam az kam aik mutthi ki miqdar darhi rakhna hamesha wajib hai aur is se kam karna ya moondhna (shave karna) jaiz nahi hai.

Note: Mulk-e-Pakistan mein muwarikh 17 May 2026, baroz Itwar (Sunday) ko 29 Zi-Qadah hai aur ba-waqt-e-maghrib chand nazar aanay ka imkan hai. Lehaza wo tamam ahbab jo qurbani ka irada rakhtay hon, wo Itwar walay din maghrib se pehle pehle jism ke ghair-zaroori baal aur nakhun waghera tarash lain.