ولادت مصطفٰی منانے پر فائدہ

السلام عَلَيْكُم

 آج کاسوال:

 کیا حضور اقدس ﷺ  کی ولادت کی خوشی منانے پر فائدہ پہنچتا ہے؟

جواب:

جی ہاں ! ابولہب کفر پر مرا، اور اعلان نبوت کے بعد اس نے اپنی زندگی اسلام اور پیغمبر   ﷺ کی مخالفت میں گزاری لیکن اس کے مرنے کے بعد رسول اللہ ﷺ   کے چچا حضرت عباس رضی اللہ تعالی عنہ نے اُسے خواب میں دیکھا۔ 

آپ رضی اللہ تعالیٰ عنہ نے اس سے پوچھا کہ مرنے کے بعد تجھ پہ کیا گزری؟ 

تو اس نے کہا: میں دن رات سخت عذاب میں مبتلا ہوں لیکن (پیر کے دن میرے عذاب میں کمی کر دی جاتی ہے اور) ثوبیہ کو آزاد کرنے کی وجہ سے میری اس انگلی سے مجھے پانی پلایا جاتا ہے(کیونکہ میں نے پیر کے دن اپنے بھتیجے محمد  ﷺ کی ولادت کی خوشخبری سن کر اپنی خادمہ ثویبہ کو اس انگلی کا اشارہ کرتے ہوئے آزاد کیا تھا)۔ 

حوالہ صحیح بخاری شریف

شیخ عبد الحق محدث دہلوی رحمتہ اللہ تعالی علیہ (۹۵۷-۱۰۵۲ھ ) یہ روایت ذکر کرنے کے بعد لکھتے ہیں:

یہ روایت میلاد کے موقع پر خوشی منانے اور صدقہ خیرات کرنے والوں کے لیے دلیل اور سند ہے ابولہب جس کی مذمت میں قرآن پاک میں ایک مکمل سورہ نازل ہوئی ، جب وہ حضور  ﷺ کی ولادت کی خوشی میں لونڈی آزاد کر کے عذاب میں تخفیف حاصل کر لیتا ہے تو مسلمان کی خوش نصیبی کا کیا عالم ہو گا جو اپنے دل میں محبت رسول  ﷺ وجہ سے میلاد النبی کے دن محبت اور عقیدت کا اظہار کرے۔

مدارج النيوة جلد نمبر 3

-------------------------------------

Aaj ka sawal:

Kya Huzoor Aqdas ﷺ ki wiladat ki khushi manane par faida pohanchta hai?

Jawab:

Ji haan! Abu Lahab kufr par mara, aur elan-e-nubuwwat ke baad us ne apni zindagi Islam aur Paighambar ﷺ ki mukhalifat mein guzari. Lekin uske marne ke baad Rasool Allah ﷺ ke chacha Hazrat Abbas رضی اللہ تعالیٰ عنہ ne usse khwab mein dekha. 

Aap رضی اللہ تعالیٰ عنہ ne us se poocha: “Marne ke baad tujh par kya guzri?” 

To usne kaha: “Main din raat sakht azaab mein mubtala hoon lekin (Peer ke din mere azaab mein kami kar di jati hai aur) Saubiya ko azaad karne ki wajah se meri is ungli se mujhe paani pilaya jata hai (kyunke main ne Peer ke din apne bhatije Muhammad ﷺ ki wiladat ki khush khabri sunkar apni khadima Saubiya ko is ungli ka ishaara karte hue azaad kar diya tha).”
 Hawalah: Sahih Bukhari Shareef

Sheikh Abdul Haq Muhaddis Dehlavi رحمتہ اللہ تعالی علیہ (957-1052H) yeh riwayat zikr karne ke baad likhte hain:

“Yeh riwayat Meelad ke moqay par khushi manane aur sadqa khairaat karne walon ke liye daleel aur sanad hai. Abu Lahab jiske muzammat mein Qur’an Pak mein ek mukammal Surah nazil hui, jab woh Huzoor ﷺ ki wiladat ki khushi mein laundi azaad karke azaab mein takhfeef haasil kar leta hai, to Musalman ki khush naseebi ka kya aalam hoga jo apne dil mein Mohabbat-e-Rasool ﷺ ki wajah se Meelad-un-Nabi ke din mohabbat aur aqeedat ka izhar kare.”

Madarij-un-Nubuwwah, Jild Number 3