ازواج مطہرات اہل بیت میں شامل

السلام عَلَيْكُم

بِسْمِ اللهِ الرَّحْمنِ الرَّحِيمِ 

آج کا سوال:

کیا ازواج مطہرات اہل بیت میں شامل ہیں؟

جی ہاں ! ازواج مطہرات رضی اللہ تعالیٰ عنہا اہل بیت میں شامل ہیں اللہ تعالیٰ کا ارشاد ہے کہ (اے نبی کی بیویو! ) ۔ نماز قائم کرو، اور زکوۃ ادا کرو اور اللہ تعالیٰ اور اسکے رسول ﷺ کی فرماں برداری کرو۔ اے نبی کے اہل بیت ! اللہ تعالیٰ تو چاہتا ہے کہ تم سے گندگی کو دور رکھے اور تمہیں ایسی پاکیزگی عطا کرے جو ہر طرح مکمل ہو۔

(سورۃ الاحزاب آیت نمبر (33)

ازواج مطہرات قرآن کریم کی نص اور سینکڑوں صحیح احادیث کی رو سے اہل بیت اور آل رسول میں شامل ہیں۔ نیز ہزاروں احادیث، اور درود شریف کے مسنون کلمات میں ازواج مطہرات کیلئے اہل بیت اور آل رسول کے الفاظ وارد ہوئے ہیں، حضرت آدم علیہ السلام سے لے کر آج تک پوری دنیا کا عرف، رواج اور عقل کا تقاضہ یہی چلا آرہا ہے کہ بیوی اہل بیت اور آل (گھر والوں) میں براہ راست شامل ہوتی ہے۔ آج کا کوئی بھی غیرت مند اور جرات مند شخص یہ برداشت نہیں کر سکتا کہ کوئی اس کے گھر والوں (اہل بیت) میں اس کی بیوی کو شمار نہ کرے، گذشتہ شریعتوں میں بھی بیوی کو اہل بیت میں شمار کیا جاتا تھا، یہی وجہ ہے کہ قرآن کریم نے حضرت ابراہیم علیہ السلام کی زوجہ حضرت سارہ کو اہل بیت کہہ کر یوں مخاطب کیا:

فرشتوں نے (حضرت سارہ رضی اللہ تعالی عنہا سے ) کہا : کیا آپ اللہ کے حکم پر تعجب کر رہی ہیں؟ اے اہل بیت تم پر اللہ تعالیٰ کی رحمتیں اور برکتیں ہیں۔

( سورة هود آیت نمبر 73)

------------------------------------

Aaj Ka Sawal:
Kya Azwaj-e-Mutahharat Ahl-e-bait mein shamil hain?

Ji haan!
Azwaj-e-Mutahharat رضی اللہ تعالیٰ عنہن Ahl-e-bait main shamil hain. Allah Ta’ala ka irshaad hai:

"(Ae Nabi ki biwiyon!) Namaz qaim karo, zakat ada karo, aur Allah aur uske Rasool ki itaat karo. Ae Nabi ke Ahl-e-Bait! Allah to chahta hai ke tumse har gandagi door kar de aur tumhein aisi paakizgi ata kary jo har tarah mukammal ho."
(Surah Al-Ahzaab, Ayat No. 33)

Qur’an-e-Kareem ki is ayat aur sankron saheeh ahaadees ki roshni mein Azwaj-e-Mutahharat ko Ahl-e-Bait aur Aal-e-Rasool mein shamil maana gaya hai. Hazaaron ahaadees aur masnoon durood mein bhi Azwaj-e-Mutahharat ke liye "Ahl-e-Bait" aur "Aal-e-Rasool" ke alfaaz istemal huay hain. Aqal, rivaaj aur duniya bhar ke urf ke mutabiq, biwi ko ghar walon (Ahl-e-Bait) mein shamil karna ek maqool aur aam baat hai. Koi bhi ghayratmand shakhs yeh bardasht nahi karta ke uski biwi ko uske Ahl-e-Bait mein shamil na samjha jaye.

Qur'an ne bhi guzashtha shari’at mein biwi ko Ahl-e-Bait ka hissa qarar diya hai. Jaise ke:

"Farishton ne (Hazrat Sarah رضی اللہ تعالیٰ عنہا se) kaha: Kya tum Allah ke hukum par taajjub kar rahi ho? Ae Ahl-e-Bait! Tum par Allah ki rehmat aur barakatein hon."
(Surah Hud, Ayat No. 73)