سرپرست انوار مدینہ ویلفیئر سوسائٹی الحاج صوفی شوکت علی قادری صاحب نے فرمایا کہ فرقہ واریت کے ناسور نے وحدتِ اُمّت کو پارہ پارہ کر دیا ہے، مسلمانوں کا اتحاد ہی ترقی اور عروج کا ضامن ہے، سیدنا امام حسین ؓکے نقش قدم پر چل کر ہی اسلام دشمنوں کو شکست دی جاسکتی ہے۔انہوں نے فرمایا کہ امام حسین اور ان کے ساتھیوں نے کربلا کے میدان میں اپنی جانوں کی قربانی دیکر دین اسلام کے پرچم کو بلند کیا اور رہتی دنیا تک مثال قائم کردی کہ ظالم وجابر ،فاسق کے سامنے کلمہ حق بلند کرنا ہی حسینیت ہے۔